Jou oë is die vensters van jou siel

In die vorige blog sou jy gesien het ons ontvang Jesus se bloed deur die Woord wat ons inneem - dit is so belangrik!  Sonder Jesus se bloed is ons 'n pap vel sonder krag, sonder Jesus se bloed binne ons, lewe ons nie werklik nie.   In elkgeval nie vir God nie, dalk vir die wêreld, maar as jy leef vir die wêreld, is jy geestelik dood, want jy kan nie 2 gode op een slag dien nie.  Voor jy begin Manna inneem, is jy duister binne jou, daar is geen liggie wat skyn nie.
 

Deur Manna elke dag in te neem, is God se manier om met ons te kommunikeer, en hoe meer Manna ons inneem, hoe meer word die Lig binne ons wat die duister uitdoof.  Want Jesus is die Woord en ook die Lig.  

Joh 8:12:  "Ek is die lig van die wêreld;  wie My volg, sal sekerlik nie in die duisternis wandel nie, maar sal die lig van die lewe hê."

Soos die Manna ons van binne begin suiwer, begin God, die Bouer, ons  steen vir steen deur die lewende Woord opbou in 'n lewende tempel.  Jy word gebou met Lewende Stene en die Lewende Steen is Jesus!  God woon in  lewende tempels,  Hy woon nie in kerke met mensehande gebou nie (Hand 17:24), Hy laat Hom nie manipuleer nie.  Hy woon net in Lewende tempels wat opgebou word deur die Woord van God, deur Woord of Manna wat self deur 'n persoon ingeneem word, nie woord wat 'n persoon by 'n ander een hoor of uit 'n boek uit lees nie.  Net uit die ware Woord self! 

1 Petr 2:4,5:  "Kom na Hom toe, die lewende steen wat deur die mense wel verwerp is, maar by God uitverkore en kosbaar is;  5 en laat julle ook soos lewende stene opbou, tot 'n geestelike huis, 'n heilige priesterdom…"

1 Kor 6:19:  "Of weet julle nie dat julle ligaam 'n tempel is van die HG wat in julle is, wat julle van God het, en dat julle nie aan julleself behoort nie?" 

Wanneer die Bouer begin om jou stene te lê, is daar sekere goed wat alreeds in plek moet wees wat Hy benodig vir die bouery.  Sonder hierdie goed staan die bouery stil en kan jy nie in 'n heilige tempel gebou word nie.

Eerste ding natuurlik is die Woord van God, die Manna.  Dit is die begin.  (Blog:  skeiding tussen lig en duisternis)  God kan nie werk waar Sy Woord afwesig is nie. 

 

 Jou hart moet nuutgemaak wees deur God.  Jou kliphart moet vernietig wees en in die plek daarvan moet 'n vleeshart pomp.  Jesus se  bloed kan nie deur 'n kliphart pomp nie, net deur 'n vleeshart. 

Eseg 36:26,27:  "En Ek sal julle 'n nuwe hart gee en 'n nuwe gees in jul binneste gee;  en Ek sal die hart van klip uit julle vlees wegneem en julle 'n hart van vlees gee" 

Soos jy Manna inneem en dit begin binne jou werk, begin Jesus se bloed vloei deur jou are, dan kom maak die HG Sy inwoning binne jou. 

Al is al 3 van die bogenoemde goed in plek, kan jy nogsteeds nie ophou om die Manna in te neem nie,  want dit is soos brandstof wat gebruik word om mee te bou.  So as jy nie Woord inneem nie, staan die bouery stil, want daar is nie brandstof nie.  En al neem jy die Woord in, maar een van die ander drie ontbreek, kan die Bouer ook nie aangaan nie. 

Soos jy Manna inneem, word steen vir steen gebou.  Daar moet ook 'n venster ingebou word.  Die venster is baie belangrik, want dit laat die lig in na binne, en dit laat ook jou lig van binne na buite skyn.  Jou oog is die venster van jou siel. 

Luk 11:34-36:  "Die lamp van die liggaam is die oog.  As jou oog dan reg is, is jou hele liggaam ook verlig;  maar as dit verkeerd is, is jou liggaam ook donker.  35  Pas dan op dat die lig in jou nie duisternis is nie.  36  As jou hele liggaam dan verlig is en nie enige deel het wat donker is nie, sal dit heeltemal verlig wees, net soos wanneer die lamp met sy skynsel jou verlig."

As jou venster in plek is;  jou kliphart is vervang met 'n vleeshart;  Jesus se  bloed klop deur jou are en die HG is in plek tesame met jou Krag elke dag, begin ook Jesus lewe binne jou.  God, Jesus en HG is een.  As HG binne jou is en werk binne jou, is jy ook een met God en Jesus ook.   1 Kor 6:17,:  "Wie die Here aanhang, is een gees met Hom."  En as jy een gees is met Hom, sal jy Hom ervaar en aanvoel.  As jy een is met God, gaan jy Sy stem hoor en jy gaan vir Jesus begin beleef en ervaar.  Die Woord is Jesus en as jy elke dag soveel as moontlik Woord gaan inneem, neem jy mos vir Jesus in , want Hy is die Woord.  En as Hy leef binne jou, hoekom gaan jy nie Hom kan beleef en sien nie?  Ons kan nie Jesus met die blote oog sien nie, maar as jy God aanbid, sal jy Hom voel ook, jy sal Hom hoor en alle vrede sal deur jou spoel.  Maar jy sal Jesus eers hoor en sien wanneer jou tempel gebou is met die venster in plek.  Die Lig moet na binne kan vloei deur die venster, jy is in verbinding met God  en dan gaan die lig ook vanuit jou na buite skyn na ander.  1 Joh 1:7:  "Maar as ons  in die lig wandel soos Hy in die lig is, dan het ons gemeenskap met mekaar;  en die bloed van Jesus Christus, sy Seun, reinig ons van alle sonde.

1 Joh 3:2:  "…We do know that when Christ appears we will be like Him because we will see Him as He is."   (Ons sal Hom sien en ons sal weet wanneer dit Hy is, want Hy leer ons alreeds om Hom te sien.)  3  "So all people who have this confidence in Christ keep themselves pure, as Christ is pure." 

Hoekom sien en hoor sommige Hom nie?

1 Joh 2:11:  "Hy wat sy broeder haat, is in die duisternis en wandel in die duisternis en weet nie waarheen hy gaan nie, omdat die duisternis sy oë verblind het." As dit duister binne jou is, kort daar iets, want dan is jy nie in 'n lewende tempel opgebou deur God nie.  Die venster is nie in jou tempel ingebou nie en die Lig kan nie in hou inskyn nie, daarom is jy duister.  Die duisternis het jou oë verblind en omdat jy verblind is, gaan jy nie die HG of Jesus kan voel, hoor of sien nie. 

Isaiah 26:10:  "Although the wicked are shown pity, they do not learn to do what is right.  They do what is wrong in the upright land and do not see the majesty of the Lord"  En soos die mens redeneer, gaan diegene wat God nie kan aanvoel en hoor nie, ander veroordeel wat wel in so verhouding met God staan, en hulle gaan die vraag vra:  "As jy Hom kan hoor en voel, hoekom kan ek dan nie?" Maar gaan doen asb selfondersoek voor jul ander kritiseer en veroordeel.  Doen selfondersoek oor jul eie lewens, hoeveel tyd spandeer jy per dag aan God?  Hoeveel wêreldse genietinge het jy al eenkant toe geskuif vir God?  Hoeveel van hierdie veroordelers skakel die televisie af en gaan spandeer eerder tyd met God om Hom beter te leer ken?  Of los eerder die kuier met vriende/ vriendinne om eerder alleen by God se voete te gaan sit?  Om met God in so verhouding te staan, verg baie opoffering.  So voor jy ander wil veroordeel en bevraagteken, doen selfondersoek oor jou eie lewe.  En vra God elke dag soos in Ps 26:2:  " Toets my Here, en beproef my, keur my niere en my hart."

Diegene wie se oe deur die duister verblind is, sien en hoor en voel nie vir God nie, maar hulle sien baie goed in die wêreld, in die duister,  hulle oë verlei hulle in die wêreld, hulle sien net alles raak wat in die duisternis is en  1 Joh 3:11-13 waarsku ons:  "Don't be like Cain.  He was a child of the evil one and murdered his brother.  And why did Cain murder his brother?  Because the things Cain did were evil and the things his brother did had God's approval.  Brothers and sisters, don't be surprised if the world hates you."  Moenie met jou mond diegene "vermoor"  wat  hulle kant bring met hul verhouding met God nie.  Want dan doen jy presies wat Kain gedoen het.  Abel was op die regte pad en Kain nie en daarom het Kain vir Abel vermoor.  

Die lig van Jesus is nie verblindend soos 'n gewone lig nie, maar verbeter ons geestelike sig.  Dit maak ons geestelike oë oop, sodat ons Hom kan voel, hoor en sien soos Hy regtig is. 

Joh 12:35:  "En Jesus sê vir hulle:  nog 'n klein tydjie is die lig by julle.  Wandel so lank as julle die lig het, sodat die duisternis julle nie oorval nie.  En wie in die duisternis wandel, weet nie waar hy gaan nie.  36  So lank as julle die lig het, glo in die lig sodat julle kinders van die lig kan word.  37  En alhoewel Hy so baie tekens voor hulle gedoen het, het HULLE NIE IN HOM GEGLO NIE;  38 sodat die woord van die profeet Jesaja vervul sou word wat hy gesê het…  40  Hy het hulle oë verblind en hulle hart verhard, sodat hulle nie met die oë sou sien en met die hart verstaan en hulle bekeer en Ek hulle genees nie."  As iemand nie GLO in Jesus nie, bly hy in die duisternis, en daarom verblind en met 'n klipharde hart.  Maar sodra iemand begin glo in Jesus en Manna inneem, sal Hy jou genadig wees en SY lig op jou begin skyn.

Joh 12:46:  "Ek het as 'n lig in die wêreld gekom, sodat elkeen wat in MY glo nie, in die duisternis sou bly nie."

Joh 16:6:  "Ek is die weg en die waarheid en die lewe;  niemand kom na die Vader behalwe deur My nie  7  As julle My geken het, sou julle my Vader ook geken het, en van nou af ken julle Hom en HET JULLE HOM GESIEN!" Ek sê weer, dit is nie 'n fisiese "sien" nie.  Dit is om God te ervaar en te hoor en te beleef onder gebed.  As jou venster ingebou is en die Lig vloei deur jou, is jy gekonnekteer met God, Jesus en HG.  JY is een met hulle.  V9:  "HY WAT MY GESIEN HET, HET DIE VADER GESIEN."   17  "..die Gees van die waarheid wat die wêreld nie kan ontvang nie, omdat dit HOM NIE SIEN NIE en Hom nie ken nie;  maar julle ken Hom, omdat Hy by julle bly en in julle sal wees.  19  Nog 'n klein tydjie, en die wêreld sien My nie meer nie;   maar JULLE SIEN MY, omdat Ek lewe en julle sal lewe.  20  In die dag sal julle weet dat EK in my Vader is, en JULLE IN My en EK IN julle.  21  Wie my gebooie het en dit bewaar, dit is hy wat My liefhet;  en wie My liefhet, hom sal my Vader liefhê, en EK sal hom liefhê en MY AAN HOM OPENBAAR!!!"  (Hier sê Jesus self as ons Hom liefhet, kom woon Hy binne ons en Hy sal Homself aan ons openbaar.)  22…Here, hoe is dit dat U aan ons U sal openbaar en nie aan die wêreld nie?  23  Jesus antwoord en sê vir hom:  As iemand My liefhet, sal hy my woord bewaar, en my Vader sal hom liefhê, en ONS SAL NA HOM TOE KOM EN BY HOM WONING MAAK.  26  die Trooster, die HG, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het."  

Philip 4:15:  "That you may show yourselves to be blameless and guileless, innocent and uncontaminated, children of God without blemish in the midst of a crooked and wicked generation, among whom you are seen as bright lights in the dark word."   

Ps 37:5,6:  "Entrust your ways to the Lord.  Trust him, and He will act on your behalf.  He will make your righteousness shine like a light."